Inihayag ng Department of Health (DOH) na dapat hintayin ang guidelines bago ibalik sa dating operasyon ang mga laboratoryo sa bansa.
Ito ay ayon kay Health Undersecretary Ma. Rosario Vergeire , dahil mayroong mga laboratoryo ang ni-repurpose lamang ng pamahalaan upang tumutok sa testing ng COVID-19.
Dagdag ni Vergeire, kung patuloy na bababa ang kaso sa bansa maaari na muling gamitin ang ibang laboratoryo na ni-repurpose lamang para sa COVID-19.
Ipinaliwanag pa ni Vergeire na nananatili pa rin ang COVID-19 sa bansa.
Bagamat lumiliit aniya ang demand para sa COVID Testing, hindi pa rin aniya maaaring ganap na mawala ang mga laboratoryo para dito.
Magugunitang, una ng inilabas ng Malacañang na ibababa na sa Alert level 1 ang Metro Manila at iba pang lugar sa bansa simula ngayong araw.
