Target ng pamahalaan ng magkasa ng ikaapat na yugto ng programang Bayanihan, Bakunahan” national vaccination drive sa susunod na buwan.
Ayon kay Department of Health Undersecretary and National Vaccination Operations Center (NVOC) chairperson Dr. Myrna Cabotaje, posibleng simulant ito sa darating na Marso a-siete.
Aniya, nais kasi ni Department of the Interior and Local Government (DILG) Secretary Eduardo Año na gawin ito sa lalong madaling panahon para maabot pa ang senior citizens at hindi pa nababakunahan.
Layon din ng isasagawang malawakang bakunahan na mapigilan ang pagkakaroon ng COVID-19 outbreak sa bansa.
Matatadaang aabot lamang sa tatlo punto limang milyong Pilipino ang nabakunahan sa ikatlong yugto ng Bayanihan Bakunahan noong Pebrero a-diyes hanggang a-disi otso mula sa target nitong limang milyong indibidwal. —sa panulat ni Abie Aliño-Angeles
