Apektado ng matinding winter storm na sasabayan ng malakas na pag-ulan at posibleng pananalasa ng buhawi ang malaking bahagi ng Estados Unidos.
Nagbabala ang National Weather Service (NWS) sa dalang malakas na hangin at thunderstorm sa Western Oklahoma hanggang Northern Maine.
Inaasahang aabot sa dalawang pulgada ang kapal ng niyebeng bubuhos bawat oras at maaaring magdulot ng zero visibility.
Kanselado naman ang nasa isanlibong flights papunta at palabas ng Estados Unidos. - sa panulat ni Mara Valle
