Umaasa ang Department of Health (DOH) na tuluyan nang tatanggalin ang pagsusuot ng face mask sa bansa sa oras na maging ‘manageable’ ang hawaan ng COVID-19.
Sinabi ito ni Health Undersecretary Maria Rosario Vergeire kasunod ng remark ni Vaccine Czar Carlito Galvez Jr., na tatanggalin na ang mandatoryong pagsusuot ng face mask sa huling kwarter ng taon.
Ayon kay Vergeire, sa lahat ng kautusang ipinapatupad ng gobyerno para mapigilan ang hawaan ng virus, ang pagsusuot ng face mask ang huling aalisin.
Pero sa kabila nito, importante pa rin para kay Vergeire ang pananatili ng pagsusuot ng mask upang maprotektahan ang mga Pilipino laban sa virus. —sa panulat ni Abigail Malanday
