Hinatulan na habang-buhay na pagkakabilanggo ang isang lalaki sa US matapos nitong patayin ang kanyang kaibigan sa gitna ng pag-aaway nila dahil sa mayonnaise.
Kinilala ang biktima na si Caleb Solberg, 30 anyos, habang ang suspek naman ay natukoy na si Kristofer Erlbacher, 29 anyos.
Ayon sa mga otoridad, nag-iinuman lang umano ang dalawa nang lagyan ni Erlbacher ng mayonnaise ang pagkain ni Solberg at hindi ito nagustuhan ng biktima kaya’t nauwi ito sa away at nang mapunoang suspek, kinuha nito ang kanyang sasakyang trak at sinagasaan sa labas ng bar ang biktima.
Sa ulat, buhay pa si Solberg matapos ang unang sagasa, ngunit binalikan ito ni Erlbacher at inararo pa ng dalawang beses para masiguro ang kamatayan nito, dahil dito ay hinatulan ng life imprisonment ang suspek. –Sa panulat ni Mara Valle
