Hindi awtomatiko ang pag-alis ng restrictions sa mga hindi pa bakunado kahit na nasa ilalim na ng Alert Level 2 ang Metro Manila.
Ito ayon kay MMDA chairman Benhur Abalos ay dahil ang mga ordinansa sa Parañaque, Pasay, Quezon City at Pateros ay walang nakasaad na automatic lifting clause para sa mga ipinagbabawal laban sa mga unvaccinated.
Gayunman, ipinabatid ni Abalos na ang Parañaque at Quezon City ay mag-iisyu ng bagong Executive Order samantalang pag uusapan pa ng local officials ng pateros ang nasabing isyu.
Sa bagong Executive Order, iginiit ng Pasay City government na papayagan lamang lumalabas ang mga hindi pa bakunadong residente for essential purposes kahit pa nasa Alert Level 2 na ang NCR.
Una nang nagpasya ang Metro Manila Council na higpitan ang mga panuntunan sa mga hindi pa bakunadong residente ng NCR sa ilalim ng Alert Level 3.
