Niyanig ng lindol ang ilang bahagi ng lalawigan ng Aurora.
Dakong 11:57 ng umaga kahapon nang tumama ang magnitude 3.9 na lindol.
Natunton ang sentro ng pagyanig 11 kilometro silangan ng Bayan ng Casiguran.
Naramdaman ang Intensity 3 sa Casiguran, Intensity 2 sa Dinalungan habang Intensity 1 sa bayan ng Dilasag.
Wala namang pinsalang idinulot ang nasabing pagyanig na tectonic ang origin at wala ring inaasahang aftershocks.
