May go signal na ng Inter-Agency Task Force (IATF) ang nirebisang alituntunin ng Department Of Health sa COVID-19 isolation, quarantine at testing.
Kinumpirma ni Health Spokesperson, Undersecretary Maria Rosario Vergeire na inaprubahan ng IATF. Ang panibagong polisiya kahapon.
Umaasa anya silang malalagdaan ito ni Health Secretary Francisco Duque III ngayong araw para sa agarang implementasyon.
Alinsunod sa bagong polisiya, pinag-isa na ang quarantine at isolation period para sa general public at healthcare workers.
Para sa mga mayroong mild symptoms at asymtomatic o walang sintomas pero fully vaccinated, pitong araw ang magiging isolation period,
Kung moderate case o may mga sintomas, tulad ng ubo pero hindi kailangan ng oxygen tank, 10 araw ang isolation period anuman ang status ng kanilang vaccination;
10 araw din para naman sa mga moderate cases na hindi bakunado simula nang mahawa habang dalawampu’t isang araw para sa severe, critical cases at immunocompromised individual.
Samantala, para sa mga asymptomatic close contact ng mga COVID-19 positive patient, pinaikli na lamang ang quarantine period sa limang araw mula sa pito para sa mga fully vaccinated general public at healthcare worker habang dalawang linggo para sa mga partially vaccinated at unvaccinated.