Kinondena ng National Task Force to End Local Communist Armed Conflict (NTF-ELCAC) ang pag-atake ng New Peoples Army sa kasagsagan ng pre-emptive evacuation dahil sa bagyong Odette, noong Disyembre.
Iginiit ni NTF-ELCAC Spokesman at DILG Undersecretary Jonathan Malaya na paano maniniwala ang publiko na nakikipaglaban ang NPA para sa kabutihan ng bansa gayong sila mismo ang nambibiktima sa mga gustong tumulong sa mga nasalanta ng bagyo.
Magugunitang 3 sibilyan ang patay nang maglunsad ng pag-atake ang mga rebelde sa bayan ng Carmen, Surigao Del Sur.
Ang naturang insidente anya ay indikasyon na walang pinipiling panahon ang mga rebelde upang makapang-biktima kahit ng mga biktima ng kalamidad sibilyan man, sundalo o pulis.