Nanawagan ang isang party-list sa gobyerno na magsagawa ng mass testing sa gitna ng pagsirit ng kaso ng covid-19 .
Binigyang diin ni Bayan Muna Rep. Carlos Isagani Zarate na mahalaga ang pagsasagawa ng Covid-19 testing at contact tracing sa posibleng pagtaas ng kaso ng virus sa bansa.
Bukod dito, nagbabala rin si Zarate sa mga pilipino na hindi dapat maging kampante dahil anumang oras ay maaaring isailalim na naman ang buong bansa sa lockdown.
Aniya, umaasa sila na ang pamahalaan ay mas makikinig sa mga medical experts sa halip na sa mga military generals sa patuloy na pagharap sa covid-19 pandemic ng bansa.
