Dead-on-the-spot ang isang senior citizen at isang babae nang araruhin ng pampasaherong bus sa Quezon.
Kinilala ang mga biktimang sina Jacobo Magdamit, 65-anyos, at ang babaeng natukoy lang sa alyas na ‘tess perida’ nasa edad-40.
Sa inisyal na ulat ng quezon police, patawid ng kalsada ang dalawa nang masagasaan ng dongfeng bragais bus na byaheng-maynila.
Sa bilis at lakas ng impact ay mabilis na binawian ng buhay ang dalawa.
Agad namang sumuko sa mga otoridad ang driver ng bus na si Michael Baraero, na nahaharap ngayon sa kasong reckless imprudence resulting in double homicide. —sa panulat ni Mara Valle
