Inanunsyo ng pamunuan ng LRT-1 na magpapatupad ito ng mas maikling operating hours sa bisperas ng kapaskuhan at bagong taon.
Sa abiso ng Light Rail Manila Corporation (LRMC), sa December 24 o Christmas eve, ang last trip mula sa Baclaran station ay alas-8 ng gabi habang alas-8:15 naman sa Balintawak station.
Habang sa December 31 naman ay magsisimula ng alas-4:30 ng umaga hanggang alas-7 lamang ng gabi ang operasyon ng LRT-1.
Nilinaw ng pamunuan na magpapatuloy ang operasyon ng tren sa December 25 at 30, at January 1.
Mananatili namang suspendido ang operasyon sa Roosevelt station upang magbigay daan sa binubuong Unified Grand Central Station.
