Pinapayagan na ang mga walk-ins na nais magpabakuna kontra COVID-19 sa 2nd round ng Bayanihan, Bakunahan Program.
Ayon kay Dr. Teodoro Herbosa, National Task Force Against COVID-19 Special Adviser, paglalaanan ng lugar ang mga mayroong scheduled appointment at walk ins sa National Vaccination Drive na isasagawa sa December 15 hanggang 17.
Dagdag ni Herbosa, ipa-prayoridad naman anya sa nasabing programa ang mga hindi pa nababakunahang senior citizen at edad nasa 12 hanggang 17 anyos maging ang mga nais magpaturok ng booster shots.
Nilinaw naman ni Herbosa na tanging ang mga nakakumpleto ng bakuna sa loob ng anim na buwan at tatlong buwan para sa mga nabakunahan ng Janssen single dose vaccine ang maaari lamang magpaturok ng booster shot.
Samantala, muling nagbabala si Herbosa sa publiko na mas mabuting magpabakuna upang mayroong dagdag proteksyon laban sa Omicron COVID -19 variant.
