Pinawalang-saysay ng Korte Suprema ang inihaing petisyon ng mga dating opisyal ng Department of Transportation (DOTr) na kumukuwestiyon sa desisyon ng Ombudsman matapos madamay sa kaso ukol sa umano’y maanomalyang pagbili ng higit anim na milyong pisong halaga ng mobile phones sa Iloilo noong 2004.
Sa desisyon, pinaboran ng mataas na hukuman ang ginawang pagbasura ng Court of Appeals sa apela nina Ildefonso Patdu Jr., Rebecca Cacatian, at Geronimo Santos, pawang mga miyembro ng Bids and Awards Committee (BAC) ng DOTr.
Binanggit sa hatol, sa halip na ihain nang direkta sa Supreme Court ang kanilang petisyon ay sa appellate court dumulog ang mga ito.
