Patuloy na bumababa ang bilang ng mga aktibong kaso ng COVID-19 sa hanay ng Philippine National Police (PNP).
Batay sa datos ng PNP Health Service, pumalo na lamang sa 45 ang aktibong kaso ng virus na siyang pinakamababa mula sa mahigit 3,000 nuong Setyembre.
Kasunod nito, ipinagmalaki rin ng PNP na wala silang naitalang bagong kaso ng virus buhat kahapon.
Ito ang dahilan kaya’t nananatili sa 42,198 ang kabuuang bilang ng mga tinamaan ng virus.
9 naman ang bagong gumaling sa sakit kaya’t umakyat na sa 42,028 ang total recoveries habang nakapako rin sa 125 ang death toll.