Na-detect na rin sa Austria ang hinihinalang kauna-unahan nitong COVID-19 Omicron variant.
Kinumpirma ng Austrian Institute of Virolgy na isang biyahero sa Tirol Region, na kakauwi lamang mula South Africa noong isang linggo, ang nag-positibo sa COVID.
Nagpakita ang biyahero ng ilang senyales na nagtataglay ng Omicron variant ang mga nakuhang samples mula sa kanya.
Gayunman, kailangan pang sumailalim sa karagdagang pagsusuri ng Agency for Health and Food Safety bago makumpirma kung anong Covid variant ang dumapo sa pasyente.
Kasalukuyang naka-lockdown ang buong Austria dahil sa patuloy na pagsirit ng COVID-19 cases. —sa panulat ni Drew Nacino
