Umaarangkada na ang ‘by school vaccination’ o bakunahan sa bawat paaralan sa lungsod ng Navotas.
Ayon kay City Health Officer Dr. Christia Padolina, ito ang naging tugon ng lokal na pamahalaan hinggil sa hiling ng mga magulang na nahihirapang kumuha ng iskedyul ng mga anak para sa pagpapabakuna.
Kaugnay nito, magsisimula ngayong araw ang pilot run ng ‘by school vaccination’ hanggang Nobyembre 19.
Samantala, sinabi rin ni Padolina na nasa official Facebook page ng naturang lungsod ang iskedyul ng mga paaralan.—mula sa panulat ni Airiam Sancho
