Nilinaw ng independent research group na OCTA na hindi umano sila nagsagawa ng pre-election survey sa Pasay City mula Oktubre 22 hanggang 28.
Ayon sa OCTA, peke ang kumakalat na survey sa social media at pinayuhan rin nito ang publiko na itigil ang pag-share ng naturang survey.
Sinabi pa ng grupo na mananagot ang mga naglahad ng pekeng datos.
Binigyang diin rin ng OCTA na ang mga impormasyong kanilang inilalabas ay makikita lamang sa kanilang opisyal na media channels o networks at social media platforms.—sa panulat ni Hyacinth Ludivico