Nagbabala ang Food and Drug Administration laban sa ilang brand ng COVID-19 antigen at rapid test kits na non-compliant sa umiiral na pamantayan ng Research Institute for Tropical Medicine o RITM.
Kabilang dito ang antigen test kits na ibinebenta ng U-C Biosciences Inc., Infinite Alliance Marketing Inc., Eco Application Solutions, Diagnostika Pilipinas Inc., Ehd Solutions Inc., Touchstar Enterprises at Rebmann Inc.
Bigo ring makasunod sa standards ang rapid test kits ng Nueva Sunshine Phils Inc., Kolonwel Trading at Khriz Pharma Trading Inc.
Ayon sa RITM, nagsagawa ng ebalwasyon sa laboratory diagnostic tests ang ahensya na nakumpleto noong Oktubre 16.—sa panulat ni Hya Ludivico
