Isang pawnshop ang tinupok ng apoy sa bahagi ng Brgy. Lower Bicutan, Taguig City.
Mabilis na naapula ng mga tauhan ng Bureau of Fire Protection, ang sunog matapos maitala ang first alarm sa lugar.
Sa imbestigasyon ng mga otoridad, ang nasunog na pawnshop ay inuupahan umano ng isang nagngangalang Romerico Castro kung saan, sinasabing nagsimula ang sunog sa kwarto ng security guard na kinilalang si Marlon Mangilit.
Nagsimula ang insidente pasado alas-sais ng umaga at idineklarang fire under control alas-siete ng umaga.
Wala namang naitalang nasawi o nasugatan pero aabot sa tinatayang 100,000 libong piso ang halaga ng mga ari-ariang nasunog.
Sa ngayon, patuloy paring inaalam ang pinagmulan ng sunog.—sa panulat ni Angelica Doctolero
