Binuksan na muli ang Quezon City Memorial Circle sa publiko kaya maaari nang magamit ang parke para sa mga mag-eexercise gaya ng pag-jogging at zumba.
Sinabi ng Zaldy Dela Rosa ng QC Memorial Circle Administration, nagtalaga sila ng mga guwardiya sa paligid ng parke upang matiyak na nasusunod pa rin ang ipinatutupad na safety protocols sa lugar.
Bukod dito, bukas na rin ang ilang kainan sa loob ng QC Circle ngunit mananatiling nasa 30% lamang ang pinapayagan at bakunado lamang ang papapasukin sa mga ito.
Samantala, libre pa rin ang parking ng mga sasakyan sa loob ng QC Circle.
