Patay ang isang barangay councilor matapos pagbabarilin ng hindi pa nakikilalang salarin sa Pasig City.
Kinilala ni Pasig Police Chief Col. Roman Arugay ang biktima na si Nicky Cruz, nasa hustong gulang, at residente ng Barangay Rosario.
Sa imbestigasyon, nakaupo lang sa bungad ng isang tindahan si Cruz nang lapitan ng salarin at walang awang pinagbabaril.
Inaalam pa ang motibo sa pamamaslang, gayundin ang pagkakakilanlan ng gunman na mabilis na tumakas sakay ng motorsiklo.
