Isasara sa publiko ang lahat ng sementeryo at kolumbaryo sa Olongapo City mula Oktubre 30, hanggang Nobyembre 2.
Ayon kay Olongapo City Mayor Lenj Paulino, bukas naman sa publiko mula Oktubre 27 hanggang 29 at sa Nobyembre 3 hanggang 5 ang mga pampubliko at pribadong libingan at kolumbaryo sa lungsod.
Kaugnay nito, hanggang 30% lamang ng kapasidad ng lugar ang papayagang makapasok at bubuksan lamang mula alas-6 ng umaga hanggang ika-5 ng hapon.
Pinaalalahanan rin ang publiko na iwasan ang pagdadala ng mga pagkain at inumin.
Hindi naman papayayagan na magtungo sa mga naturang lugar ang mga batang 15 taong gulang pababa.—sa panulat ni Hyacinth Ludivico
