Hindi pinaniwalaan ni Senate Minority Leader Franklin Drilon ang sinabi ni Pharmally Pharmaceutical Corp. Executive Krizel Grace Mago na under pressure siya nang aminin nito sa pagdinig ng senado na ginantso nila ang gobyerno.
Ito’y matapos ihayag ni Mago na pinapalitan nila ang production date ng mga ibinebentang face shields sa gobyerno.
Kinuwestiyon ni Drilon kung papaanong na pressure si Mago gayong spontaneous o kusa ang kaniyang naging pag-amin.
Nasa video anya ang naging pahayag ni Mago kung saan under oath ng aminin nya ang pagpapalit ng expirty day ng mga face shields at pagsasabing naniniwala siya na ginantso nila ang gobyerno.
Giit ni Drilon, self-serving ang sinabi ni Mago na wala sa maayos na kondisyon ang kanyang pag-iisip noon para malinaw na makapag-isip. Wala anya itong value at hindi maaaring i-corroborate.
