Iniuwi na sa Davao City ang labi ng artist na si Bree Jonson.
Kasalukuyang nakalagak sa isang punerarya ang labi ng pintor kung saan inalayan ito ng novena at misa ng kanyang pamilya at mga kaibigan.
Ayon kay Sally Jonson, nakatakdang ilibing ang kanyang anak bukas, Setyembre 28.
Aminado naman si Jonson na hindi pa rin bumibisita si Julian Ongpin, na nobyo at pangunahing suspek sa pagkamatay ng kanyang anak.
Maigi anyang magpakita si Ongpin at bumisita sa lamay kung wala itong kinalaman sa pagkamatay ni Bree.—sa panulat ni Drew Nacino
