Binigyang diin ni Manila Mayor Erap Estrada na bawal sa mga sementeryo sa lungsod ang paglalagay ng mga banner at poster ng mga pulitiko na nais ng libre at maagang pangangampanya sa pagdiriwang ng Undas.
Ayon kay Estrada, inatasan na niya ang kanyang mga tauhan na tanggalin ang lahat ng mga poster ng mga pulitiko na nakakabit sa iba’t ibang sulok ng North Cemetery at South Cemetery.
Nilinaw naman ng alkalde na mga poster lamang na walang kaugnayan sa pulitika ang pinapayagang ilagay sa mga sementeryo.
By Jelbert Perdez
