Mabilis ang daloy ng mga umaalis na pasahero sa mga pantalan para gunitain ang araw ng mga patay sa mga lalawigan.
Ipinabatid ito ni Philippine Coast Guard (PCG) Spokesman Commander Armand Balilo batay na rin sa kanilang monitoring sa nakalipas na dalawang araw.
Ayon sa Coast Guard, halos 50,000 ang mga nasa pier kagabi at lahat ng mga ito ay nabigyan ng pagkakataong makabiyahe dahil available ang maraming barko.
Ngayong araw ay halos 40,000 pasahero ang nasa mga pantalan at patungong Visayas at Mindano.
Muling tiniyak ni Balilo ang mahigpit na pagbabantay kontra overloading at walang kontrabandong maisasakay sa mga barko.
By Judith Larino | Aya Yupangco (Patrol 5)