Patay ang isang rider matapos sumemplang at mabangga ng kasalubong na motorsiklo sa Bayambang, Pangasinan.
Ayon sa ulat,huli sa CCTV ang sinapit ng rider na naganap sa maliit na kalsada ng Barangay Iton.
Ayon naman sa pulisya, pauwi na ang 29 anyos na biktima nang madulas ang gulong ng kanyang motorsiklo sa mabuhanging parte ng kalsada.
Nasapol naman ng paparating na motorsiklo ang ulo ng biktima na nagtamo ng matinding pinsala.—sa panulat ni Rex Espiritu
