Inilabas na ng COMELEC ang karagdagang detalye sa voter registration para sa mga lugar na nasa ilalim ng Modified Enhanced Community Quarantine.
Ayon sa COMELEC, magsisimula ang voter registration alas-8 ng umaga hanggang alas-5 ng hapon sa limang MECQ areas mula Lunes hanggang linggo kasama na ang holiday.
Maaaring magsumite ng mga aplikasyon sa Office of the Election Officer o sa pamamagitan ng satellite registration sites na matatagpuan sa mga mall.
Maaari namang isumite sa pamamagitan ng email o sa Authorized Representative ang reactivation; reactivation na may correction of entries; reactivation kasama ang transfer sa isang lugar;
Reactivation kasama ang transfer sa isang lugar at correction of entries at reactivation na may updated records ng senior citizens, persons with disability at Persons Deprived of Liberty.—sa panulat ni Drew Nacino
