Sarado ngayon ang Topaz Road sa Ortigas District sa Barangay San Antonio, Pasig City dahil sa mahabang crack sa naturang kalsada.
Ayon sa Pasig CDRRMO, ipinaalam na ito sa kanilang City Engineer’s Office sa lungsod at tinakpan na muna ng mahabang tarpaulin ang mga bitak.
Kaugnay nito, nilinaw ni PHIVOLCS Director Renato Solidum na hindi ito dahil sa faultline.
Aniya wala namang faultline dito at kung meron man, dapat ay may naramdaman na malakas na lindol.
Ani Solidum posibleng nagkaroon ng bitak dahil sa pagguho bunsod ng malakas na pag-ulan o maaaring may kinalaman sa construction site at condominium building sa magkabilang bahagi ng kalsada kung saan sumulpot at ang crack.
