Dumistansya ang Palasyo sa pagdawit kay Tokyo Olympic gold medalist Hidilyn Diaz sa isang matrix hinggil sa umano’y planong pagpapatalsik kay Pangulong Rodrigo Duterte nuong 2019.
Sinabi ni Presidential Spokesman Harry Roque, wala itong ibinibintang na kahit na anong tangkang destabilisasyon laban kay Diaz.
Ayon kay Roque, siya lamang ang tagapagsalita ng Malakanyang at wala sa kanilang tanggapan ang sinasabing matrix at wala siyang nalalaman tungkol dito.
Samantala , sinabi ni Roque, nakaukit na sa kasaysayan ang pangalan ni Diaz dahil sa pagkapanalo ng kauna-unahang gintong medalya para sa bansa.
Aniya, ang tagumpay ni Diaz ay tagumpay ng bayan.
