Magpapatingin muna sa Doktor si Presidential Spokesperson Harry Roque bago ito magdesisyon kung tatakbo sa pagka-Senador sa 2022 election.
Ayon kay Roque, kailangan muna niyang sumailalim sa physical checkup bago magdesisyon kaugnay sa kaniyang karera sa pulitika sa Setyembre.
Ani Roque, minsan na siyang nagplano na tumakbo ngunit hindi ito natuloy dahil sa kaniyang kalusugan.
Magugunitang naghain ng Certificate Of Candidacy si Roque bilang pagka-Senador noong Oktubre 2018 para sa 2019 elections ngunit hindi nito tinuloy ang kaniyang pangangandidato dahil umano sa payo na rin ng kaniyang Doktor bunsod ng kaniyang sakit sa puso.
