Inakusahan ng Bayan Muna sina Pangulong Rodrigo Duterte at anak nitong si Davao City Mayor Sara Duterte-Carpio na nagtatag umano ng monarkiya sa bansa.
Ayon kay Bayan Muna Partylist Rep. Ferdinand Gaite, tila pinaglalaruan ng mag-ama ang batas para lang manatili sa kapangyarihan sa pamamagitan ng political dynasty.
Giit pa nito, matagal nang nilalabag ng pamilya ang probisyon sa saligang batas na nagbabawal sa pagtatatag ng political dynasty simula nang maupo si Pangulong Duterte bilang Alkalde ng Davao noong dekada ’80.
Una rito, sinabi ni 1sambayanan Convernor Atty. Howard Calleja na hindi na dapat tangkilikin ng mga Pilipino ang tambala ng mag-ama dahil malinaw umano aniyang pang-iinsulto iyon sa mga Pilipino.
