Pumalo na sa 20,910 ang bilang ng Pinoy Overseas na tinamaan ng COVID-19 mula sa 95 bansa at mga teritoryo.
Ayon sa ulat ng Department of Foreign Affairs, isa ang nadagdag na kaso ng COVID-19 sa mga Pilipino sa ibang bansa.
Sa kasalukuyan ay mayroon pang 7,289 na pasyente ang ginagamot, o mga aktibong kaso.
Samantala, isa ang nadagdag sa bilang ng mga nakarekober kung kaya’t nasa 12,378 na ang total recoveries.
Habang nananatili naman sa 1,243 ang bilang ng mga nasawi sa naturang sakit. —sa panulat ni Hyacinth Ludivico
