Dismayado rin si Vice President Leni Robredo sa hindi nagamit na pondo ng Bayanihan 2 Law na aabot sa P9-B.
Ayon kay Robredo, nasayang lamang ang pondo dahil hindi naipamahagi sa mga pinagkaitan ng tulong partikular ang mga naapektuhan ng pandemya.
Isa anyang kabalintunaan ang mga pahayag ni Pangulong Rodrigo Duterte na wala ng pera ang gobyerno gayong mayroon pang pondo na hindi lang nagamit.
Samantala, nakatakda namang ibalik sa National Treasury ang bilyun-bilyong pisong pondo na hindi nagamit sa Bayanihan 2. —sa panulat ni Drew Nacino
