Puspusan nang sisimulan ni Senador Manny Pacquiao ang mahigit isang buwang ensayo nito para sa kanyang laban kay Errol Spence, Jr. sa Las Vegas, USA.
Kasunod na rin ito nang pagdating ng team Pacquiao sa Los Angeles International Airport kung saan dumaan sa alternate exit ang pambansang kamao sa gitna ng mga fans at entourage members na naghihintay dito.
Ayon ka Coach Buboy Fernandez maaga silang lumipad pa-L.A. dahil ramdam nilang mas safe ang kanilang training dito kaysa sa Pilipinas matapos luwagan ang COVID-19 restrictions sa Los Angeles.
Mahigpit naman aniya ang koordinasyon ng team Pacquiao sa US authorities para sa health and safety protocols.
