Naglaan ang Health Department ng mga alokasyon ng bakuna sa mga rehiyon na may mataas na kaso ng COVID-19.
Kabilang sa mga rehiyon na paglalaanan ng mga bakuna ay ang Region 6,8,9,10,11,12, CARAGA and BARMM.
Ipinabatid naman ni Health Undersecretary Myrna Cabotaje, magbibigay sila ng karagdagang doses ng bakuna ngunit ito’y depende sa populasyon, bilang ng kaso at vaccine inventory ng rehiyon.
Aniya, pinag-aaralan nilang mabuti kung ilan ang ibabahaging bakuna sa mga naturang rehiyon dahil isinasa-alang-ala pa rin nila ang limitadong suplay ng bakuna.
Sinabi rin ni Testing Czar Secretary Vince Dizon na makakatatanggap ng malaking bahagi ng supply ng bakuna ang mga lungsod na may mataas na kaso ng virus sa bansa.
Mas prayoridad aniya ng pamahalaan na bigyan ng supply ng bakuna ang mga lugar na tinatamaan ng COVID-19.
