Target ng gobyernong madagdagan pa ang isolation facility sa bansa sa pamamagitan ng pagbuo ng mobile isolation facilities.
Ito’y sa gitna ng patuloy na pagtaas ng kaso ng COVID-19 sa bansa.
Ayon kay Presidential Spokesperson Harry Roque, pinag-aaralan na ang pagbuo ng mobile tents, ICU facilities na mayroong 200 kama.
Ganito rin aniya ang ginawa sa ibang bansa na humarap din sa pagsubok ng pandemya.
Ipinabatid din ni Roque na libre ang COVID-19 testing maliban na lamang mga indibidwal na walang sintomas o asymptomatic at walang exposure sa virus.
Magugunitang, naging kabi-kabila ang panawagan sa mass testing ngayong tumataas ang bilang ng kaso ng COVID-19 sa bansa.
