Nananatiling positibo pa rin ang Malakaniyang sa pagtugon ng pamahalaan sa COVID-19 pandemic.
Ito’y sa kabila ng mataas na bilang ng kaso ng COVID-19 na naitatala sa mga nakalipas na araw.
Ayon kay Presidential Spokesperson Harry Roque, hindi lamang ang Pilipinas ang nakararanas ng pagtaas ng kaso ng COVID-19 kundi maging sa ibang bansa.
Dapat din aniyang tingnan ang mga dahilan ng muling pagsirit ng kaso ng nakahahawang sakit sa bansa.
Maliban kasi umano sa bagong variant na sinasabing mas mabilis makahawa, posible ring nakaramdam na ang mga tao ng pagkapagod sa minimum health standards.
Dahil aniya rito, hindi maiwasang makompromiso na ang kalusugan ng publiko kaya’t lumolobo ang kaso ng nakahahawang sakit.
