Patay ang 20 katao habang 24 ang sugatan matapos ang nangyaring sunog sa isang pabrika ng mga damit sa Egypt.
Ayon sa inilabas ng gobyerno ng egypt, nasunog ang halos apat na palapag ng pabrika na nagresulta sa ilang pagkasawi at pagkasugat ng ilang empleyado nito.
Nagpadala naman ng 15 bumbero sa lugar na pinangyarihan ng insidente upang maapula ang sunog.
Dinala naman ng ambulansya ang ilang nasawi at nasugatan sa malapit na ospital.
Bukod dito, patuloy na sinusuri at tinitingnan ng mga otoridad ang naging sanhi ng sunog na maaaring nagmula sa mga katabing gusali.
Samantala, ayon sa ilang ulat ang pagkasunod ng ilang pabrika sa Egypt ay karaniwan ng nangyayari dahil sa dikit dikit na gusali at kakulangan sa mga pagpapatupad ng hakbang pangkaligtasan.— sa panulat ni Rashid Locsin