Aabot sa 82% ng mga kawani ng Bureau of Fire Protection (BFP) gayundin ng Bureau of Jail Management and Penology (BJMP) ang nakahanda nang sumailalim sa bakuna kontra COVID-19.
Ito ang inihayag ng Department of the Interior and Local Government (DILG) batay sa resulta ng isinagawa nilang exit poll sa mga opisyal at kawani ng mga nabanggit na ahensya sa Luzon.
Ayon kay DILG Spokesman Usec. Jonathan Malaya, malaki ang tsansang mahikayat ang publiko kaugnay ng bakuna kontra COVID-19 kung pangungunahan ito ng mga taga BFP at BJMP.
Batay pag-aaral ng university of the Philippines (UP) OCTA Research Team, lumalabas na 24% hanggang 40%ng mga Pinoy ang ayaw munang magpabakuna dahil sa pagdududa.
Dahil dito, umaasa si Malaya na sa pamamagitan ng mga tauhan ng BFP at BJMP, magtatagumpay ang kampaniya ng pamahalaan na maisailalim sa pagbabakuna ang nasa 75 milyong Pilipino sa bansa.
