Nagpositibo sa coronavirus disease 2019 (COVID-19) ang 57 na close contacts o nakasalamuha ng indibidwal mula sa Bontoc, Mountain Province na positibo sa bagong variant COVID-19 at may travel history sa United Kingdom.
Ayon kay Health Undersecretary Maria Rosario Vergeire, sa naturang bilang, 12 sa mga ito ang positibo sa bagong variant ng virus.
Kaugnay nito, 135 naman sa 233 na sumailalim sa RT-PCR test ay nagnegatibo sa COVID-19, habang ang 41 iba pa ay naghihintay pa rin ng resulta ng kanilang COVID-19 test.