Malamig si Philippine National Police Chief Debold Sinas sa panukalang pahabain ang termino ng hepe ng pambansang pulisya.
Ito ay matapos matanong si Sinas ni Senador Richard Gordon sa pagdinig ng senado kung pabor ba itong itakda sa dalawang taon ang termino ng mga PNP chief upang matugunan ang si issue sa evolving door.
Ayon kay Sinas, sapat na ang kasalukuyang panahon na ibinigay sa kanya para pamunuan ang PNP.
Hindi na rin aniya kailangan pang palawigin ang kanyang termino bilang PNP chief para mapagbigyan naman aniya ang ibang opisyal na maupo sa puwesto.
Tiniyak din ni Sinas na sa kabila nang maikling termino ng mga PNP chief, tuloy-tuloy ang implementasyon at hindi napapabayaan ang mga pangmatagalang programa ng Pambansang Pulisya.
