Posibleng maging mas mahaba ang oras ng botohan sa local at national elections sa taong 2022.
Ito ang sinabi ni Comelec Spokesperson James Jimenez sa pagdinig ng senado.
Ayon kay Jimenez, ikinukunsidera nila ang hakbang na ito dahil nag-aalangan ang Comelec sa unang mungkahi na gawing dalawang araw hanggang tatlong araw ang botohan dahil pinangangambahan ang magiging sitwasyon sa gabi.
Bukod aniya sa pinahabang voting hours, posible ring ibaba ang bilang ng mga botante sa bawat polling precints bilang pag-iingat sa COVID-19.
Dahil naman dito kakailanganin ang mas maraming lugar ng botohan at mas maraming tauhan.
Maaari rin umanong pabotohin nang mas maaga ang mga senior citizen at mga person with disability pero kailangan nito ng bagong batas.
