Idinepensa ng Chinese embassy sa Pilipinas ang bakuna kontra COVID-19 na likha ng mga Chinese pharmaceutical firm na Sinovac at Sinopharm.
Ito ay sa gitna na rin ng mga kuwestiyon sa kawalan ng transparency at mababang efficacy rates ng mga naturang bakuna.
Ayon sa Chinese embassy, nilikha para ang mga nasabing bakuna para sa ikabubuti ng nakararaming tao sa buo mundo.
Dagdag ng embahada, higit na mabebenipisyuhan ng mga naturang bakuna ang mga developing o maliliit na bansa dahil iniaalok ito sa mababang presyo.
Bukod pa rito, hindi rin anila magiging magastos ang pag-iimbak sa bakunang likha ng mga Chinese firms dahil maaari itong ilagay sa ilalim ng normal na temperatura ng mga refrigerator.
