Arestado ang isang 67-anyos na lalaking may kasong qualified theft sa Las Piñas City.
Batay sa ulat ng Southern Police District (SPD), kinilala ang suspek na si Bonifacio Morales, residente ng Mayon Street, Bermuda Subdivision, Pamplona 1, Las Piñas City.
Isang warrant of arrest ang inisyu ni Judge Helen Constantino-Balbuena ng Regional Trial Court Branch 90 ng Dasmariñas, Cavite para maaresto ito ng mga pulisya.
Naka-detain ngayon ang suspek sa Custodial Facility ng Las Piñas City Police Station. —sa panulat ni John Jude Alabado
