Inanunsyo ng ilang local government units ang kanilang pagpasok sa kasunduan kasama ang pharmaceutical company na AstraZeneca para makabili ng bakuna laban sa COVID-19.
Kabilang dito ang Valenzuela City na umorder ng 640,000 doses ng bakuna.
Gayundin ang Navotas na nakakuha ng 100,000 doses ng AstraZeneca vaccine.
Umorder din ang Pasig City ng 400,000 doses na bakuna habang target naman ng caloocan na kumuha ng 600,000 doses.
Inihayag din ng makati ang plano nilang pagbili ng 1milyong dose ng COVID-19 vaccine mula sa AstraZeneca.
Lumagda na rin ang San Juan City LGU ng tripartite agreement sa kumpanya at National Task Force against COVID-19 para sa P50 milyong halaga ng bakuna.
Ipinabatid ng naturang mga LGU ang kanilang plano na pagbili sa iba pang manufacturers kung kinakailangan.