Ipaprayoridad sa gagawing pag-aangkat ng COVID-19 vaccine ng mga local government units (LGUs) ang lugar na may matataas na kaso ng COVID-19.
ayon kay Presidential Spokesperson Atty. Harry Roque, kabilang sa mga LGUs na ito na kailangang iprayoridad ay ang Metro Manila, Cebu, Davao, at Calabarzon.
Sakali naman aniyang makakuha na ng bakuna ang mga nabanggit na lokal na pamahalaan, kinakailangan lamang na sundin nila ang utos ni Pang. Rodrigo Duterte na unahin nilang bigyan ng COVID-19 vaccine ang kanilang mga medical frontliners, mga senior citizens, mga pulis at mga sundalo.
Giit ni Roque, desisyon o parin ng national government at ng IATF ang dapat na sundin pagdating sa distribusyon o pagro-roll out ng mga bakuna na aangkatin ng mga lokal na pamahalaan.
