Nangako ang Palasyo sa mga naulilang pamilya ng babaeng flight attendant na si Christine Dacera na mananagot sa batas ang mga taong nasa likod ng kanyang pagkamatay.
Ayon kay Presidential Spokesperson, Secretary Harry Roque, sinisiguro ng administrasyon ni Pangulong Rodrigo Duterte na makakamit ng pamilya Dacera ang hustisya sa pagkamatay ng kanilang mahal sa buhay.
Ani Roque, isang abogado at dating piskal ang Pangulo kaya’t hindi aniya nito hahayaan na walang mananagot sa naturang insidente.
Paliwanag ni Roque, gaya ng Maguindanao massacre na kasong matagal niyang hinawakan, napanagot ani Roque ng Pangulo ang mga taong nasa likod ng naturang massacre.
