Pormal nang natanggap ng pamunuan ng Bureau Of Customs (BOC) ang 3 identification devices mula sa Drug Enforcement Agency at Bureau of International Narcotics and Law Enforcement Affairs ng Estados Unidos.
Ayon kay BOC Commissioner Rey Leonardo Guerrero, ang kanilang natanggap na identification devices ay malaking tulong sa kampanya ng pamahalaan kontra iligal na droga.
Ayon pa kay Guerrero, sa tulong ng mga ito ay mas lalo pang mapaiigting ng BOC ang border security.
Kasunod nito, nagpasalamat si BOC Commissioner Guerrero sa pamahalaan ng Estados Unidos para sa suportang ibinigay nito sa kampanya kontra iligal na droga.
